తెలుగుదేశం విస్త్రత స్థాయి సమావేశం బుధవారం జరగనున్నది. ఉదయం 10.30 గంటల నుండి సాయంత్రం 5 గంటల వరకు జరగనున్న సమావేశానికి  మంత్రులు, ఎమ్మెల్యేలు, ఎమ్మెల్సీలు, జిల్లా అధ్యక్షులు, నియోజకవర్గ ఇంచార్జులు హజరవుతున్నారు. యువత ను ఆకర్షించేందుకు టీడీపీ ముందు ఉండే విధంగా కార్యకర్తలు, నాయకులకు టీడీపీ జాతీయ అధ్యక్షుడు చంద్రబాబు దిశ నిర్దేశం చేయనున్నారు. ఈ  సమావేశంలో తొమ్మిది ఏజండా అంశాలపైన చర్చ జరగనున్నదని సమాచారం.  అసెంబ్లీ వర్షాకాల సమావేశాల పై  ఎమ్మెల్యే లు అనుసరించాల్సిన వ్యూహం,  కమ్యూనికేషన్, మీడియా విశ్లేషణ, సోషల్ మీడియా పై  సమావేశంలో చర్చ జరుపుతారు. గ్రామావికాసం, గ్రామదర్శిని జరుగుతున్న తీరు పై కుడా  చర్చించనున్నారు. దళిత తేజం, మైనారిటీ సదస్సు తరహాలో బీసీ, ఎస్టి, క్రిస్టియన్ సదస్సు లకు యాక్షన్ ప్లాన్ పై చర్చ జరగనుంది.