-  బడ్జెట్ కేటాయింపులపై  విపక్షాలు ఆందోళనతో వాయిదా

లోక్‌సభ ప్రారంభమైన కొద్దిసేపటికి వాయిదా పడింది. సభ ప్రారంభమైన తర్వాత కైరానా ఎంపీ హుకుంసింగ్ మృతిపట్ల లోక్‌సభ నివాళులర్పించింది. ఆ తర్వాత బడ్జెట్ కేటాయింపుల్లో తీవ్ర అన్యాయం జరిగిందని విపక్షాలు ఆందోళనకు దిగాయి. దీంతో సభను రేపటికి వాయిదా వేస్తున్నట్లు స్పీకర్ సుమిత్రా మహాజన్ ప్రకటించారు. రాజ్యసభ కూడా మధ్యాహ్నం 2 గంటల వరకు వాయిదా పడింది. ప్రతిపక్ష సభ్యుల నిరసనలతో సభను మధ్యాహ్నం 2 గంటల వరకు వాయిదా వేస్తున్నట్లు రాజ్యసభ చైర్మన్ వెంకయ్యనాయుడు పేర్కొన్నారు. నోయిడా ఎన్‌కౌంటర్ ఘటనపై సమాజ్‌వాదీ పార్టీ సభ్యులు నిరసన వ్యక్తం చేశారు.