-  స్పెషల్ స్టేటస్‌పై గళం విప్పిన  టాలీవుడ్ హీరో నిఖిల్...

బడ్జెట్‌లో ఏపీకి మరోసారి కేంద్రం మొండిచేయి చూపడంతో మళ్లీ ప్రత్యేకహోదా అంశం తెరపైకి వచ్చేసింది. ఏపీకి ప్రత్యేకహోదా ఇవ్వాల్సిందేనంటూ ఇప్పటికే పలు పార్టీలకు చెందిన నేతలు తమ డిమాండ్‌ను వ్యక్తపరుస్తున్నారు. ఈ నేపథ్యంలో స్పెషల్ స్టేటస్‌పై గళం విప్పాడు టాలీవుడ్ హీరో నిఖిల్.

"నేను ఒక హీరోను. ఒకవేళ ఈ అంశంపై మాట్లాడితే 'నీకు ఇవి ఎందుకు' అని అందరూ అంటారు. ఇటీవల నేను ఏపీలో షూటింగ్‌ చేసుకొని వచ్చాను. ఒక పట్టణ ప్రాంతం రాష్ట్రంగా అభివృద్ధి చెందాలంటే చాలా పని జరగాల్సి ఉంటుందని భావించాను. ఇదంతా కేంద్రం నుంచి భారీ నిధులు వచ్చినప్పుడే సాధ్యమవుతుంది. ఓ తెలుగువాడిగా, భారతీయుడిగా అడుగుతున్నా ఏపీకి ప్రత్యేక హోదా కావాలి" అంటూ నిఖిల్ తెలిపాడు.