ఇంగ్లాండ్‌తో ఆఖరి (ఐదో) టెస్టుకు వేళైంది. సిరీస్‌ను ఇప్పటికే చేజార్చుకున్న భారత్‌.. చివరి మ్యాచ్‌లో గెలిచి పరువు నిలబెట్టుకోవాలని తాపత్రయపడుతోంది.  ఆతిథ్య జట్టు ఇంగ్లండ్‌తో ఓవల్‌ మైదానంలో జరిగే ఈ మ్యాచ్‌లో కచ్చితంగా నెగ్గి విమర్శకులకు సమాధానం ఇవ్వాలనే కసితో భారత్‌ ఉంది. అటు సిరీస్‌ కోల్పోయినా గత 15 ఏళ్ల కాలంలో ఇదే ఉత్తమ భారత జట్టుగా కోచ్‌ ప్రకటించడం మరోసారి వివాదాస్పదంగా మారింది.
 మరోవైపు కెరీర్‌లో ఆఖరి టెస్టు మ్యాచ్‌ ఆడబోతున్నఇంగ్లాండ్ ఓపెనర్‌ అలిస్టర్‌ కుక్‌పైనే అందరి దృష్టి నిలిచింది. గత కొన్నేళ్లుగా కేవలం టెస్టు మ్యాచ్‌లే ఆడుతున్న కుక్‌.. తాజాగా భారత్‌తో సిరీస్‌లో దారుణంగా విఫలమయ్యాడు. తన చివరి టెస్టులో అయినా అలిస్టర్‌  రాణించాలని ఇంగ్లాండ్‌ అభిమానులు కోరుకుంటున్నారు. 2006 భారత్‌పైనే తన తొలి టెస్టు ఆడిన కుక్‌.. అదే ప్రత్యర్థిపై ఆఖరి టెస్టు ఆడబోతుండడం విశేషం.