తెలుగు ఇండష్ట్రీలో రానా స్పెషల్ క్రేజ్‌ తెచ్చుకున్నాడు. ఇమేజ్‌ చట్రంలో ఇరుక్కోక్కుండా పాత్రా ప్రాధాన్యమున్న చిత్రాలు చేస్తూ ముందుకు వెళ్తున్నాడు. రానా తాజాగా మేక్‌ ఓవర్‌ చూసి సిని జనాలు రానా ది గ్రేట్ అనేస్తున్నారు. దగ్గబాటివారబ్బాయి సిని జనాలకు అంతగా ఎందుకు నచ్చాడో మీరే చూడండి.తాత రామానాయుడు వారసత్వాన్ని బాగా పునికి పుచ్చుకున్నాడు రానా దగ్గుబాటి. ఆయన విభిన్న భాషల్లో వినూత్న చిత్రాలు నిర్మిస్తే...రానా విభిన్న భాషల్లో నటిస్తూ మెప్పిస్తున్నాడు. ఇప్పటికే తెలుగు, తమిళ, హిందీ భాషల్లో నటించిన రానా త్వరలో ఎ.ఎమ్‌.ఆర్ డైరక్షన్‌లో ఓ కన్నడ మూవీ చేయనున్నాడు. బాహుబలి చిత్రంతో నేషనల్ వైడ్ ఇమేజ్‌ తెచ్చుకున్నాడు రానా. అయినా హీరోయిజం ఉన్న పాత్రలకే కమిట్ అవ్వకుండా..ఘూజీ, నేనే రాజా నేనే మంత్రి లాంటి న్యూ కాన్సెప్ట్స్ ట్రై చేస్తూ పాజిటీవ్‌ వైబ్స్‌తో ముందుకు వెళ్తున్నాడు. రానా దగ్గుబాటి విశ్వ విఖ్యాత  'ఎన్టీఆర్' బయోపిక్‌ లో నారా చంద్రబాబు నాయుడు పాత్రలో నటిస్తున్న విషయం తెలిసిందే. ఇప్పటికే ఈ పాత్ర కోసం స్లిమ్ అవతారం లోకి మారిన రానా క్లీన్ షేవ్ చేసుకొని - మీసాలు పెంచి బాబును యాజ్‌ ఇట్‌ ఈజ్‌ దించే ప్రయత్నాలలో ఉన్నాడని వార్తలు వచ్చాయి.   చంద్రబాబు మేనరిజం.. మాట్లాడే తీరు, ఆయన హావభావాలు ఇవన్నీ కాపీ కొట్టేందుకు పాత వీడియోలు కూడా చూస్తున్నాడని అన్నారు. ఇప్పుడు అది నిజమే అనిపిస్తుంది. రీసెంట్ గా షూటింగ్ లొకేషన్ నుండి ఒక పిక్ లీక్ అయింది. ఆ పిక్‌లో రానా చంద్రబాబు పాత్రలో అచ్చుగుద్దినట్టు దిగిపోయాడు. ఎంతలా అంటే నారా వారి పాత్ర రానానే వెయ్యాలి అనేంత.మరోవైపు రానా కేరాఫ్ కంచరపాలెం అనే చిన్న చిత్రానికి సమర్పకుడిగా కూడా వ్యవహారిస్తున్నాడు. ఆ మూవీ కూడా రీసెంట్‌గా రిలీజై రానాపై ప్రశంసలు కురిపిస్తుంది. మరి మున్ముందు రానా ఇంకెన్ని విభిన్న చిత్రాలతో ప్రేక్షకులను ఆకట్టుకుంటాడో చూడాలి.