అజ్ఞాతవాసి సినిమా తర్వాత సినిమాల విషయంలో అజ్ఞాతంలోకి వెళ్లిన పవన్ కళ్యాణ్ రాజకీయాలతో బాగా బిజీ అయ్యాడు. జనసేన అధ్యక్షుడిగా…. పవన్ కళ్యాణ్ రాజకీయాలతో బిజీగా వుండి సినిమాలవైపు చూడడమే మానేసాడు. 2019 ఎన్నికలు టార్గెట్ గా పవన్ కళ్యాణ్ ఒక ఎజెండా తో సినిమాలను పక్కన పెట్టేసాడు. అజ్ఞాతవాసి తర్వాత పవన్ కళ్యాణ్ రెండు సినిమాలు చెయ్యాల్సి ఉంది. ఆ సినిమాలకు పవన్ కళ్యాణ్ అడ్వాన్స్ లు కూడా తీసుకున్నాడు. కానీ రాజకీయాలంటూ.. సినిమాలను వదిలెయ్యడం.. అడ్వాన్స్ లను పవన్ కళ్యాణ్ నిర్మాతలకు వెనక్కి ఇచ్చేసాడనే టాక్ నడిచింది. మరి ప్రస్తుతం సినిమాలకు దూరంగా ఉంటున్న పవన్ కళ్యాణ్ ఇప్పుడు మరోసారి మొహానికి మేకప్ వేసుకోబోతున్నాడంటున్నారు.అది కూడా మేనల్లుడి కోసమే పవన్ మళ్ళీ సినిమాల్లో నటించేందుకు సన్నద్ధం అవుతున్నాడట. ప్రస్తుతం మెగా మేనల్లుడు సాయి ధరమ్ తేజ్ సినిమాల్లో హీరోగా పేరు తెచ్చుకున్నాడు. సినిమాలు హిట్ అవనివ్వండి ఫట్ అవనివ్వండి సాయి ధరమ్ హీరోగా పాతుకుపోయాడు. ఇక ఇప్పుడు తాజాగా సాయిధరమ్‌ తేజ్‌ తమ్ముడు వైష్ణవ్‌తేజ్‌ని హీరోగా పరిచయం చేయడానికి రంగం సిద్ధమవుతోందనే టాక్ నడుస్తుంది. అయితే వైష్ణవ్ తేజ్ ని ఆ డైరెక్టర్ డైరెక్ట్ చేస్తాడు.. ఈ డైరెక్టర్ పరిచయం చేస్తాడనే టాక్ నడిచినా… ఇపుడు మాత్రం పవన్‌కల్యాణ్‌ తో గోపాల గోపాల,కాటమరాయుడు చిత్రాలను తెరకెక్కించిన కిశోర్‌ పార్ధసాని (డాలి) వైష్ణవ్ తేజ్ ని హీరోగా పరిచయం చెయ్యడానికి ఓ కథ సిద్ధం చేసాడట.అయితే దర్శకుడు డాలి సిద్ధం చేసిన కథలో ఒక పవర్ ఫుల్ పాత్ర ఉందని… అయితే ఆ కేరెక్టర్ ని పవన్‌తో చేయించాలని డాలి ప్రయత్నిస్తున్నట్లు…. పవన్‌ కూడా మేనల్లుడి కోసం ఆ పాత్ర చేసేందుకు సుముఖత వ్యక్తం చేసినట్లుగా తెలుస్తుంది. ఇక ఈ సినిమాని పవన్ కళ్యాణ్ ఫ్రెండ్ రామ్‌ తాళ్లూరి ఎస్‌ఆర్‌టి ఎంటర్‌టైన్‌మెంట్స్‌ పతాకంపై నిర్మించనున్నాడు. ఇక దర్శకుడు పవన్ కి సన్నిహితుడు కావడం, నిర్మాత ఫ్రెండ్ కావడంతో.. అందరూ కలిసి పవన్ కళ్యాణ్ ని మేనల్లుడి కోసం ఆ పాత్ర చేయించేందుకు ఒప్పించినట్లుగా తెలుస్తుంది.మరో వైపు అజ్ఞాతవాసి సినిమా తర్వాత త్రివిక్రమ్ కి బ్యాడ్ టైం స్టార్ట్ అయ్యిందనే టాక్ నడుస్తుంది. ఎన్టీఆర్ తో అరవింద సమేత వంటి బిగ్ ప్రాజెక్ట్ చేస్తున్నప్పటికీ… త్రివిక్రమ్ నెక్స్ట్ హీరోపై ఎడతెగని ఉత్కంఠ నడుస్తూనే ఉంది. ఇప్పటికే మహేష్ త్రివిక్రమ్ కి హ్యాండ్ ఇచ్చేసి సుకుమర్ తోనూ, సందీప్ వంగా తోనూ కమిట్ అయ్యాడు. ఇక త్రివిక్రమ్ నెక్స్ట్ హీరో బన్నీ అంటూ చాలానే వార్తలొచ్చాయి. కానీ బన్నీ నెక్స్ట్ డైరెక్టర్ మీద ఎంతగా ఉత్కంఠ నెలకొందో… ఇప్పుడు త్రివిక్రమ్ నెక్స్ట్ హీరో మీద కూడా అంతే ఉత్కంఠ నెలకొంది. అయితే త్రివిక్రమ్ అరవింద సినిమా తర్వాత వెంకటేష్ హీరోగా హారిక హాసిని క్రియేషన్స్ వారు ఒక సినిమాని అధికారికంగా అనౌన్స్ చేశారు.అయితే ఈలోపు వెంకటేష్ ని పక్కన పెట్టి త్రివిక్రమ్ మహేష్ కి బన్నీకి గాలం వేస్తున్నాడు.. మహేష్ అజ్ఞాతవాసి దెబ్బకి త్రివిక్రమ్ ని సైడ్ చేసాడని.. బన్నీ కూడా త్రివిక్రమ్ విషయం లో ఊగుతున్నాడనే టాక్ నడుస్తుండగా.. వెంకటేష్ వరసగా మల్టీస్టారర్ సినిమాలు చేసుకుపోతున్నాడు. త్రివిక్రమ్ సినిమా విషయంలో వెంకీ ఎటువంటి మాట మాట్లాడకపోయేసరికి త్రివిక్రమ్ బయట హీరోల కోసం వెంపర్లాడుతున్నాడనే ప్రచారం మొదలైంది. ఇక హారిక హాసిని బ్యానర్ లో వెంకటేష్ తో త్రివిక్రమ్ జాలి ఎల్ ఎల్ బి సినిమా రీమేక్ చెయ్యాల్సి ఉండగా.. త్రివిక్రమ్ రీమేక్ లకి వ్యతిరేఖం కనక.. వెంకటేష్ తో మరో దర్శకుడు హారిక హాసిని బ్యానర్ లో జాలి ఎల్ ఎల్ బి సినిమా చేస్తాడనుకున్నారు.కానీ వెంకటేష్ జాలి.ఎల్. ఎల్. బి ని పక్కన పడేసి త్రివిక్రమ్ తో సినిమా చేసే ఉద్దేశ్యంతోనే ఉన్నాడట. అందుకే అరవింద సమేత తర్వాత త్రివిక్రమ్ ఖచ్చితంగా వెంకటేష్ తోనే సినిమా ఉంటుందట. ఎన్టీఆర్ తో తెరకెక్కిస్తున్నఅరవింద సమేత దసర కల్లా విడుదల చేసేసి ఒక నెల గ్యాప్ తీసుకుని వెంకటేష్ తో త్రివిక్రమ్ తన తదుపరి చిత్రం చేస్తాడనే సమాచారం అందుతుంది.