వరుస సినిమాలతో, షోలతో బిజీ గా ఉన్నాడు నాని. ప్రస్తుతం నాగార్జున తో కలిసి ఆదిత్య రామ్ దర్శకత్వంలో "దేవ్ దాస్" అనే  చిత్రంలో  నటిస్తున్న సంగతి తెలిసిందే. ఈ సినిమా తరువాత నాని 'జెర్సీ' సినిమా చేయనున్నాడు. ఈ సినిమాలో నాని యువకుడిగానే కాకుండా మధ్య వయసున్నవాడిగాను .. వృద్ధుడిగాను కనిపించనున్నాడు.  ఆల్రెడీ ఈ సినిమాలో కథానాయికగా కశ్మీర పరదేశిని ఎంపిక చేసుకున్నారు. దీనితో మరో కథానాయికగా నిత్యామీనన్ ను తీసుకోవాలనే ఆలోచనలో టీమ్ వున్నట్టుగా తెలుస్తోంది. సంప్రదింపులు మొదలయ్యాయని కూడా అంటున్నారు. గతం వీరిద్దరి కంబినేషన్లో "అలా మొదలైంది " అనే చిత్రం వచ్చి మంచి విజయం సాధించింది.