ఏటా విశాఖపట్నంలో ఘనంగా నిర్వహించే ‘విశాఖ ఉత్సవ్’ వేడుకల తేదీ ఖరారైంది. నగరంలోని ఆర్కే బీచ్‌లో మూడు రోజుల పాటు సాగే ఈ వేడుకల్లో ఆంధ్రప్రదేశ్ సంస్కృతి, సాంప్రదాయాలు ప్రతిబింబించే హస్తకళలు, వివిధ కళాఖండాలే కాకుండా సంగీత, నృత్య కార్యక్రమాలకూ విశాఖ ఉత్సవ్‌ వేదిక కానుంది. మీరూ ఈ వేడుకల్లో పాల్గోవాలంటే.. మరికొద్ది నెలలు వేచి చూడాల్సిందే. ఈ ఏడాది డిసెంబరు 28, 29, 30 తేదీల్లో ఈ వేడుకలను నిర్వహించనున్నారు. ఈ కార్యక్రమాల్లో పిల్లల కోసం అమ్యూజ్మెంట్ జోన్ కూడా ఏర్పాటు చేయనున్నారు. ఫుడ్‌కోర్టులతోపాటు బీచ్ సకార్, త్రో బాల్ క్రీడలు కూడా నిర్వహిస్తారు. జానపద నృత్యాలు, ట్రైబల్ జోన్, అడ్వేంచర్లు, ఫ్లవర్ షో, కార్నివాల్ పెరేడ్ తదితర కార్యక్రమాలు నిర్వహిస్తారు.