తెలంగాణలో వీఆర్వో పోస్టుల భర్తీకి ఆదివారం నిర్వహించనున్న రాత పరీక్షకు ఏర్పాట్లు పూర్తయ్యాయి. ఉదయం 11 గంటల నుండి మధ్నాహ్నం 1.30 గంటల వరకు పరీక్ష నిర్వహించనున్నారు. రాష్ట్రవ్యాప్తంగా దాదాపు 11 లక్షల మంది అభ్యర్థులు వీఆర్వో పరీక్షకు హాజరుకానున్నారు. పరీక్ష్ కోసం తెలంగాణలోని 31 జిల్లాల్లో 2,945 పరీక్ష కేంద్రాలను ఏర్పాటుచేశారు. హెచ్‌ఎండీఏ పరిధిలో 627 పరీక్ష కేంద్రాలను ఏర్పాటుచేశారు. ఆ కేంద్రాల్లో దాదాపు మూడులక్షల మంది అభ్యర్థులు పరీక్షలకు హాజరుకానున్నారని చెప్పారు. అయితే హైదరాబాద్‌లో పరీక్ష రాసే కొందరు అభ్యర్థుల పరీక్ష కేంద్రాల్లో స్వల్ప మార్పులు చోటుచేసుకున్నాయి. ఆ వివరాలు ఈ విధంగా ఉన్నాయి. 

మార్పులు చేసిన పరీక్ష కేంద్రాలు.. 

* సరూర్‌నగర్‌లోని ప్రగతి మహిళా డిగ్రీ కళాశాల(కోడ్- 39124)లో పరీక్షకు హాజరుకావాల్సిన 600 మంది (హాల్‌టికెట్ నంబర్ 1339063388 నుంచి 1339063987 వరకు) పరీక్షాకేంద్రాన్ని దిల్‌సుఖ్‌నగర్‌లోని నారాయణ జూనియర్ కళాశాలకు (బాయ్స్) మార్చారు. 

* సరూర్‌నగర్ శ్రీచైతన్య కాలేజీ(కోడ్-39133)లో పరీక్షకు హాజరుకావాల్సిన 500 మంది (1339068548-1339069047) పరీక్ష కేంద్రాన్ని మూసారాంబాగ్‌లోని నారాయణ జూనియర్ కాలేజీకి (బాలికలు) మార్చారు. 

* దిల్‌సుఖ్‌నగర్ న్యూ నోబుల్ డిగ్రీ కాలేజీ(కోడ్ - 39137)లో పరీక్షకు హాజరుకావాల్సిన 450 మందికి (హాల్‌టికెట్ నంబరు 1339070504 నుంచి 1339070953) మూసారంబాగ్‌లోని వెలాసిటీ కాలేజీలో పరీక్షకు ఏర్పాట్లు చేశారు. ఈ మార్పులను అభ్యర్థులు గమనిచగలరు.