బంగ్లాదేశ్‌తో ఆసియా కప్‌ గ్రూప్‌-బి ఆఖరి లీగ్‌ మ్యాచ్‌లో అప్ఘానిస్థాన్‌ 136 పరుగుల తేడాతో ఘన విజయం సాధించింది. అంతకుముందు బ్యాటింగ్‌కు దిగిన అఫ్గానిస్థాన్‌ నిర్ణీత 50ఓవర్లలో ఏడు వికెట్ల నష్టానికి 255పరుగులు చేసింది. అనంతరం లక్ష్య ఛేదనకు దిగిన బంగ్లా ఆరంభంలోనే వరుస వికెట్లు కోల్పోతూ కష్టాల్లో పడింది. మరోవైపు అఫ్గాన్‌ బౌలర్లు క్రమం తప్పకుండా వికెట్లు పడగొట్టడంతో బంగ్లాదేశ్‌ 42.1ఓవర్లలో 119పరుగులకే ఆలౌటైంది. అఫ్గాన్ బౌలర్లలో ముజీబ్‌, గుల్‌బదిన్‌, రషీద్‌ తలో రెండు వికెట్లు పడగొట్టారు.