వరుస విజయాలతో ఊపుమీదున్న భారత్‌ సూపర్‌-4 లో ఆఖరి మ్యాచ్‌కు సిద్ధమవుతోంది. సంచలన ఆటతీరుతో అందరినీ ఆకట్టుకుంటున్న అఫ్ఘానిస్థాన్‌తో మంగళవారం తలపడనుంది.  ఈ మ్యాచ్‌లో టీమ్‌ఇండియానే ఫేవరెట్‌ అయినా.. సూపర్‌-4 తొలి రెండు మ్యాచ్‌ల్లో ఆఖరి వరకు పోరాడిన అఫ్గానిస్థాన్‌ను తక్కువ అంచనా వేస్తే చేదు అనుభవం తప్పదు. మరోవైపు బంగ్లాదేశ్‌, పాకిస్థాన్‌లపై ఘన విజయాలు సాధించిన భారత్‌.. హ్యాట్రిక్‌ గెలుపుపై కన్నేసింది. అయితే ఈ టోర్నీలో ఇప్పటిదాకా మిడిలార్డర్‌కు ఎలాంటి సవాల్‌ ఎదురు కాలేదు. అఫ్గాన్‌తో మ్యాచ్‌లో మిడిలార్డర్‌ రాణించాలని కెప్టెన్‌ రోహిత్‌శర్మ కోరుకుంటున్నాడు. రషీద్‌ఖాన్‌ లాంటి నాణ్యమైన స్పిన్నర్‌ను ఎదుర్కొని మిడిలార్డర్‌ బ్యాట్స్‌మెన్‌ నిలవాలనేది అతని కోరిక.