నటిగా ప్రతిభావంతురాలు అనిపించుకుంది ఈషా రెబ్బా. బహుశా ఈమె వేరే భాష నుంచి దిగుమతి అయిన హీరోయిన్ అయ్యుంటే ఈ పాటికి బోలెడన్ని అవకాశాలు వచ్చేసేవేమో. తెలుగమ్మాయి కదా.. టాలీవుడ్‌లో అవకాశాలు నెమ్మది నెమ్మదిగానే దక్కుతున్నాయి. చిన్న హీరోల సరసన ఈమెకు అవకాశాలు లభిస్తూ ఉన్నాయి. అలా నెట్టుకొస్తున్న ఈషాకు ఇప్పుడొక స్టార్ హీరో సినిమాలో ఛాన్స్ దక్కింది. ‘అరవింద సమేత వీర రాఘవ’ సినిమాలో ఈషా ఒక పాత్రలో నటించింది. మరి ఆ పాత్రకు ఉన్న ప్రాధాన్యత ఎంత? అనేది సినిమా విడుదల అయితే కానీ తెలియదు. త్రివిక్రమ్ సినిమాల్లో సెకెండ్ హీరోయిన్‌కి కూడా అంతో ఇంతో ప్రాధాన్యత ఉంటుంది. ఈ నేపథ్యంలో ‘అరవింద..’తో ఈషాకు మంచి గుర్తింపు దక్కే అవకాశాలున్నాయి. ఒక పెద్ద హీరో సినిమాలో నటించడం ఇదే మొదటి సారి ఈషాకు. ఇదే సమయంలో ఈమె ఒక కన్నడ సినిమాలో కూడా ఛాన్స్ సంపాదించుకుంది. ఇలా ఈషా కెరీర్ ఊపు మీదకు వచ్చింది. ‘అరవింద సమేత..’ విడుదల అయితే ఈమెకు మరిన్ని అవకాశాలు లభించే అవకాశాలున్నాయి. తాజాగా ‘అరవింద సమేత వీర రాఘవ’ సినిమా ప్రీ రిలీజ్ ఫంక్షన్లో ఈషా ఇలా కనిపించింది