ముంబయి యువ క్రికెట్‌ వీరుడు పృథ్వీషా సంచలనం సృష్టించాడు. వెస్టిండీస్‌తో తొలి టెస్టు మ్యాచ్‌కు టీమిండియా ఓపెనర్‌గా ఎంపికయ్యాడు.  సొంత గడ్డపై ఎదురు లేని భారత్‌.. నిలకడలేని ఆటతో దిగజారిన వెస్టిండీస్‌ మధ్య పోరు నామమాత్రమే కావచ్చు. కానీ, ఇంగ్లండ్‌తో సిరీస్‌ ఓటమి నుంచి తేరుకొని.. టీమిండియా సత్తా చాటడానికి కోహ్లీ అండ్‌ కో తహతహలాడుతోంది. మరో వైపు  కఠిన ఆస్ట్రేలియా పర్యటన నేపథ్యంలో జట్టు లోపాలను సరిదిద్దుకోవడానికి విండీస్‌తో సిరీస్‌ను సన్నాహకంగా చేసుకోవాలని చూస్తోంది.
జట్లు
భారత్‌ : విరాట్‌ కోహ్లీ (కెప్టెన్‌), కేఎల్‌ రాహుల్‌, పృథ్వీ షా, చటేశ్వర్‌ పుజారా, అజింక్యా రహానె, రిషభ్‌ పంత్‌, అశ్విన్‌, జడేజా, కుల్దీప్‌, షమి, ఉమేష్‌, శార్దూల్‌ ఠాకూర్‌.
 
వెస్టిండీస్‌: బ్రాత్‌వైట్‌, కీరన్‌ పావెల్‌, షై హోప్‌, సునీల్‌ యాంబ్రిస్‌, షిమ్రన్‌ హిట్‌మేయర్‌, రోస్టన్‌ చేజ్‌, షేన్‌ డౌరిచ్‌ (వికెట్‌ కీపర్‌), జాసన్‌ హోల్డర్‌ (కెప్టెన్‌), కీమో పాల్‌, దేవేంద్ర బిషు, షానన్‌ గాబ్రియెల్‌.