రాయలసీమకు కొత్త డీఐజీలు నియమకం. ఆంధ్రప్రదేశ్‌లోని అనంతపురం, కర్నూలు రేంజి డీఐజీలుగా కాంతిరాణా టాటా, డి.నాగేంద్రకుమార్‌ నియమితులయ్యారు. ప్రస్తుతం అనంతపురం డీఐజీగా పనిచేస్తున్న జె.ప్రభాకర్‌రావు సీఐడీకి బదిలీ కాగా, కర్నూలు రేంజి డీఐజీగా పనిచేస్తున్న ఘట్టమనేని శ్రీనివాస్‌ పోలీసు ప్రధాన కార్యాలయంలో శాంతిభద్రతలు, సమన్వయ విభాగం డీఐజీగా నియమితులయ్యారు. ఈ మేరకు రాష్ట్రంలో నలుగురు డీఐజీలను బదిలీ చేస్తూ ఏపీ ప్రభుత్వ ప్రధానకార్యదర్శి అనిల్‌చంద్ర పునేఠ గురువారం ఉత్తర్వులు జారీ చేశారు. డి.నాగేంద్రకుమార్‌ విశాఖపట్నం సంయుక్త పోలీసు కమిషనర్‌గా, కాంతిరాణా టాటా విజయవాడ సంయుక్త పోలీసు కమిషనర్‌గా పనిచేస్తున్నారు.