ఆకాశ్ పూరీ హీరోగా పూరీ జగన్నాథ్ తెరకెక్కిస్తున్న చిత్రం 'మెహబూబా'. ఇప్పటికే ఫస్ట్‌లుక్‌లతో ఆకట్టుకున్న ఈ చిత్రం నుంచి తాజాగా టీజర్ విడుదలైంది. 1971లో భారత్-పాక్ యుద్ధం నేపథ్యంలో ఈ చిత్రాన్ని తెరకెక్కించగా.. అప్పటి పరిస్థితులకు తగ్గట్లుగా పూరీ తెరకెక్కించిన విజువల్స్ అందరినీ ఆకట్టుకుంటున్నాయి. సందీప్ చౌతా అందించిన బ్యాక్‌గ్రౌండ్ మెయిన్ అస్సెట్‌గా నిలిచింది.

ఇక ఈ చిత్రంలో ఆకాశ్ పూరీ సరసన నేహా శెట్టి హీరోయిన్‌గా నటించింది. పూరీ జగన్నాథ్ టూరింగ్ టాకీస్‌పై పూరీ జగన్నాథ్ స్వీయ దర్శకనిర్మాణంలో తెరకెక్కుతున్న ఈ చిత్రానికి సందీప్ చౌతా సంగీతాన్ని అందించాడు. వేసవి కానుకగా ఈ చిత్రం ప్రేక్షకుల ముందుకు రానుంది.