.jpg)
- 'అమర్‌ అక్బర్‌ అంటోని'టైటిల్ తో కొత్త సినిమా
- అమెరికాలో ఈ నెల 19న షూటింగ్ ప్రారంభం
ఎన్టీఆర్‌, చరణ్‌ హీరోలుగా, రాజమౌళి దర్శకత్వంలో రూపొందే మల్టీస్టారర్‌ చిత్రంలో రవితేజ విలన్‌గా నటించే అవకాశం ఉన్నట్టు సోషల్‌ మీడియా కోడై కూస్తోంది. రాజా ది గ్రేట్‌'తో ఆకట్టుకున్న రవితేజ ఇటీవల 'టచ్‌ చేసి చూడు'తో మెప్పించలేక పోయిన విషయం తెలిసిందే. ప్రస్తుతం ఆయన కళ్యాణ్‌ కృష్ణ దర్శకత్వంలో ఓ సినిమాలో నటిస్తున్నారు. అలాగే శ్రీనువైట్లతోనూ ఓ సినిమా చేయనున్నట్టు ఇటీవల ఆయనే స్వయంగా ఓ ఇంటర్వ్యూలో తెలిపారు. ఈ నెల 19న అమెరికాలో ఈ సినిమా ప్రారంభం కానున్నట్టు సమాచారం. అమెరికా నేపథ్యంలో సాగే ఈ చిత్రంలో రవితేజ మూడు విభిన్న పాత్రల్లో కనిపిస్తారని తెలుస్తోంది. అందుకే సినిమాకు 'అమర్‌ అక్బర్‌ అంటోని' అనే టైటిల్‌ను పరిశీలిస్తున్నారట. రవితేజ క్యారెక్టర్స్‌ని బట్టి ఈ చిత్రంలో ముగ్గురు హీరోయిన్లు నటించే అవకాశం ఉందని వేరే చెప్పక్కర్లేదు. కళ్యాణ్‌ కృష్ణ దర్శకత్వంలో రూపొందుతున్న సినిమా ప్రస్తుతం వైజాగ్‌లో చిత్రీకరణ జరుపుకుంటోంది. దీనికి 'నేల టికెట్‌' అనే టైటిల్‌ను అనుకుంటున్నారట.