-  ఏప్రిల్‌ 14న రజనీ గిఫ్ట్‌

-  ఆగస్ట్‌ 15న  'రోబో 2.0' చిత్రం విడుదల

రజనీకాంత్‌ అత్యంత ప్రతిష్టాత్మకంగా నటించిన 'రోబో 2.0' చిత్రం విడుదల పలు మార్లు వాయిదా పడుతుండటంతో ఆయన అభిమానులే కాదు ప్రేక్షకులు సైతం నిరుత్సాహపడుతున్నారు. వారి నిరుత్సాహాన్ని ఉత్సాహంగా మార్చేందుకు రజనీ నటించిన 'కాలా' చిత్రం త్వరలోనే విడుదలకు రెడీ అవుతోంది. ఈచిత్రాన్ని ఏప్రిల్‌ 14న విడుదల చేసేందుకు చిత్ర బృందం ప్లాన్‌ చేస్తోంది. తమిళ నూతన సంవత్సరాది సందర్భంగా 'కాలా' రూపంలో అభిమానులకు రజనీ గిఫ్ట్‌ ఇవ్వబోతున్నారని చిత్రయూనిట్‌ అంటోంది. 'కబాలి' తర్వాత పా.రంజిత్‌ దర్శకత్వంలో ఈ చిత్రం ్తతెరకెక్కుతున్న విషయం విదితమే. ఇందులో రజనీకాంత్‌ సరసన హ్యూమా ఖురేషి కథానాయికగా నటిస్తోంది. ముంబయి మాఫియా బ్యాక్‌డ్రాప్‌లో తెరకెక్కుతున్న ఈ చిత్రం ప్రస్తుతం నిర్మాణాంతర కార్యక్రమాలను జరుపుకుంటోంది. సంతోష్‌ నారాయణన్‌ సంగీతం అందించిన ఈ చిత్ర మ్యూజిక్‌ను త్వరలోనే విడుదల చేసేందుకు సన్నాహాలు చేస్తున్నారు. 

ఇదిలా ఉంటే, 'రోబో 2.0' చిత్రాన్ని కూడా స్వాతంత్య్ర దినోత్సవం సందర్భంగా ఆగస్ట్‌ 15న విడుదల చేసేందుకు ప్లాన్‌ చేస్తున్నారట.