త్రివిక్రమ్ దర్శకత్వం వచ్చిన 'అరవింద సమేత వీర రాఘవ' చిత్రం వచ్చి మంచి విజయం సాధించింది.  ప్రస్తుతం తన  తదుపరి సినిమా ఏ హీరోతో ఉండనుందనే విషయంపై చర్చించుకుంటున్నారు. ఎన్టీఆర్ తదుపరి సినిమా రాజమౌళితో వుంది. ఇక చరణ్ .. బోయపాటి సినిమాతో బిజీగా వున్నాడు. రెండు ప్రాజెక్టులతో బిజీగా వున్న ప్రభాస్ .. ఇప్పట్లో అందుబాటులోకి వచ్చే అవకాశం కూడా లేదు. ఇక మహేశ్ కూడా తన 25వ సినిమా పనుల్లో తీరికలేకుండా వున్నాడు. ఇలా ఈ హీరోలంతా ఎవరి ప్రాజెక్టులను వాళ్లు చేసుకుపోతుండటంతో, అల్లు అర్జున్ పైనే త్రివిక్రమ్ దృష్టి ఉందనే టాక్ వుంది. ఇక అల్లు అర్జున్ కూడా 'అరవింద సమేత' రిజల్ట్ చూశాక త్రివిక్రమ్ తో ముందుకు వెళ్లాలా వద్దా అనేది ఆలోచిద్దామని అనుకున్నాడు.  గతం లో బన్నీ, త్రివిక్రమ్ కాంబినేషన్ లో వచ్చిన 'జులాయి', 'సన్ అఫ్ సత్యమూర్తి' చిత్రాలు భారీ విజయాలు సాధించాయి.