295/7 ఓవర్‌నైట్‌ స్కోరుతో రెండో రోజు ఆటను ప్రారంభించిన విండీస్‌  311 పరుగులకు ఆలౌట్‌ అయింది. కేవలం 16 పరుగులను మాత్రమే జోడించి మిగిలిన వికెట్లను కోల్పోయింది. నిన్నటి నుంచి భారత బౌలర్ల సహనానికి పరీక్ష పెట్టిన ఆల్‌రౌండర్‌ రోస్టన్‌ చేజ్‌ (106; 189 బంతుల్లో 8×4, 1×6) ఉమేశ్‌ యాదవ్‌ వేసిన బంతికి బౌల్డ్‌ అయ్యాడు.  భారత బౌలర్లలో ఉమేశ్‌ యాదవ్‌ 6 వికెట్లు తీయగా.. కుల్‌దీప్‌ యాదవ్‌ 3, అశ్విన్‌ 1 వికెట్‌ దక్కించుకున్నారు. భారత్‌ తొలి ఇన్నింగ్స్‌ను ప్రారంభించింది. కేఎల్‌ రాహుల్‌, పృథ్వీషా ఓపెనర్లుగా బరిలోకి దిగారు.