10 అంగుళాల స్క్రీన్‌ కలిగిన పోర్టల్‌ ధర 199 డాలర్లు, 15 అంగుళాల వెర్షన్‌ ధర 349 డాలర్లుగా ఉంది.ప్రముఖ సోషల్‌ నెట్‌వర్కింగ్‌ వెబ్‌సైట్‌ ఫేస్‌బుక్‌ కొత్తగా 'ఆర్టిఫిషియల్‌ ఇంటెలిజెన్స్‌ (ఏఐ)' ఆధారంగా పనిచేసే వీడియో కాలింగ్‌ పరికరాన్ని ఆవిష్కరించింది. దీనికి ‘పోర్టల్‌‘ అని పేరుపెట్టింది. ఇక వీటి ధరల విషయానికొస్తే.. 10 అంగుళాల స్క్రీన్‌ కలిగిన పోర్టల్‌ ధర 199 డాలర్లు, 15 అంగుళాల వెర్షన్‌ ధర 349 డాలర్లుగా ఉంది. ప్రత్యేకంగా స్క్రీన్‌ ముందరే నిలబడాల్సిన పనిలేకుండా ’హేయ్‌ పోర్టల్‌’ అని పలకరించడం ద్వారా దీన్నుంచి కాల్‌ ప్రక్రియ ప్రారంభించవచ్చు. స్మార్ట్‌ స్పీకర్‌ మార్కెట్లో అమెజాన్, గూగుల్‌తో పోటీపడే క్రమంలో ఫేస్‌బుక్‌ దీన్ని రూపొందించింది. దీనివల్ల యూజర్ వ్యక్తిగత ప్రైవసీ, భద్రతకు ఎలాంటి ముప్పు ఉండబోదని ఫేస్‌బుక్‌ స్పష్టం చేసింది. 

పోర్టల్ ఫీచర్లు.. 

* కాల్‌ చేస్తుండగా మధ్యలో కావాలనుకుంటే కెమెరా ఆటోమేటిక్‌గా జూమ్‌ అవుట్‌ అయి మనతో పాటు మరో వ్యక్తిని కూడా వీడియో కాల్‌లో చూపిస్తుంది. 

* అటూ, ఇటూ తిరుగుతూ మాట్లాడుతున్నా వారినే ఫాలో అవడం, వారి మాటల్ని మాత్రమే గుర్తించడం తదితర ఫీచర్లను ఈ పోర్టల్‌లో పొందుపరిచారు. 

* కెమెరాను కవర్‌ చేసేయొచ్చు. లెన్స్‌.. మైక్రోఫోన్‌ను డిజేబుల్‌ ఫీచర్లు కూడా ఉన్నాయి.