భారత్-వెస్టిండీస్ రెండో వన్డే ప్రారంభమైంది. విశాఖలోని ఏసీఏ-వీడీసీఏ మైదానంలో జరుగుతున్న ఈ మ్యాచ్‌లో టీమిండియా టాస్ గెలిచి బ్యాటింగ్ ఎంచుకుంది.  ఈ మైదానంలో టాస్‌ గెలిచిన జట్టు ఇప్పటిదాకా ఒక్క మ్యాచ్‌ను కూడా ఓడిపోలేదు. దీంతో ఈ మ్యాచ్‌లో టీమిండియానే గెలుస్తుందని అభిమానులు ధీమా వ్యక్తం చేస్తున్నారు. సరిగ్గా పది నెలల తర్వాత విశాఖ సాగర తీరాన క్రికెట్‌ సందడి మొదలవడంతో స్థానికంగా ఉన్న క్రీడాభిమానులు భారీ సంఖ్యలో స్టేడియం వద్దకు తరలివచ్చారు.