కుమారి 21ఎఫ్‌తో కుర్రకారు గుండెల్ని కొల్లగొట్టిన భామ హెబ్బా పటేల్. ‘24 కిస్సెస్’ అంటూ మరోసారి ముద్దుల వర్షం కురిపిస్తోంది. హెబ్బా పటేల్, అరుణ్ అదిత్ జంటగా నటిస్తోన్న ఈ సినిమా ట్రైలర్ వచ్చేసింది. ‘24 కిస్సెస్’ సినిమా ఉపశీర్షిక ‘నీకో సగం.. నాకో సగం.. ఈ ఉత్సవం’. దీనికి తగ్గట్టుగానే మూవీలో ముద్దుల ఉత్సవం జరిపించారు. ట్రైలర్ చూస్తే ఇదే విషయం అర్థమవుతోంది. హెబ్బా పటేల్ తనదైన అందచందాలను ఆరబోస్తూ మరోసారి కనువిందు చేస్తోంది. ‘అల తానై అలరించేది మగువా.. తనువు తానై మురిపించేది మగువా.. ఒడి తానై మనిషినే మలిచేది మగువా.. నింగినైనా.. నేలనైనా అమూల్యమైనది మగువా..’ అంటూ ప్రేమదేశంలోని సూపర్ హిట్ పాటతో 24 కిస్సెస్ సినిమా ట్రైలర్ ప్రారంభమైంది. హెబ్బా పటేల్‌, అరుణ్ మధ్య సన్నివేశాలు హాట్ హాట్‌గా తెరకెక్కించారు. 

ఫస్ట్ కిస్ అంటూ మత్తెక్కిస్తున్న హీరో అదిత్.. ‘కానీ, అది నాకు కాదు.. తనకు’ అంటూ కవ్విస్తుండగా.. ‘ఇంతకీ నువ్ నన్ను ప్రేమిస్తున్నావా? లేదా?’ అంటూ హీరోయిన్ నిలదీస్తోంది. ‘అన్ని బంధాలకు ఏదో ఒక పేరు పెట్టాల్సిందేనా’ అంటూ అదిత్‌ ఎదురు ప్రశ్నిస్తున్నాడు. ‘నాకు సినిమాలంటే చాలా ఇష్టం.. సినిమా కన్నా జీవితం అంటే ఇష్టం.. జీవితం కన్నా శ్రీలక్ష్మి అంటే..’ అంటూ తన ప్రియురాలిపై ఉన్న ఇష్టాన్ని చెబుతూ హీరో మరింత ఆసక్తి కలిగిస్తున్నాడు. నిర్మాణాంతర కార్యక్రమాలన్నీ పూర్తి చేసుకున్న ఈ చిత్రం నవంబర్ 15న ప్రేక్షకుల ముందుకు రానుంది.. ‘మిణుగురులు’ లాంటి అవార్డ్ విన్నింగ్ చిత్రానికి దర్శకత్వం వహించిన అయోధ్యకుమార్ కృష్ణంశెట్టి ఈ చిత్రాన్ని తెరకెక్కిస్తున్నారు. సిల్లీమొంక్స్ ఎంటర్‌టైన్మెంట్, రెస్పెక్ట్ క్రియేషన్స్ పతాకాలపై సంజయ్ రెడ్డి, అనిల్ పల్లెల, అయోధ్యకుమార్ కృష్ణంశెట్టి ఈ చిత్రాన్ని నిర్మిస్తున్నారు. జోయ్‌ బారువా స్వరాలు సమకూరుస్తున్నారు. సినిమాలో రావు రమేష్‌ సరికొత్త లుక్‌తో కనిపిస్తున్నారు. 

హెబ్బా పటేల్ ఈ చిత్రంలో అన్ లిమిటెట్ ఆరబోతతో పాటు మొహమాటమే లేని ముద్దుల వర్షం కారణంగా ఈ సినిమా పెద్దలకు మాత్రమే అంటూ ఏ సర్టిఫికేట్‌ను ఇచ్చారు సెన్సార్ సభ్యులు. అయితే ఈ మధ్యకాలంలో లిప్ లాక్ కాన్సెప్ట్ బాగా వర్కౌట్ అవుతుండటంతో మోతాదుకు మించి మరీ గాఢ చుంబనాలు ఇరికించేశారట దర్శకుడు. వరల్డ్ కిస్సింగ్ డే (జులై 6) రోజు విడుదలైన ఈ మూవీ ఫస్ట్‌లుక్‌ చూశాక.. ఈ సినిమా బోల్డ్ కంటెంట్‌తో ప్రేక్షకుల ముందుకు వస్తున్నట్టు ఇట్టే అర్థమైంది. మరి ఈ ‘24 కిస్సెస్’ అర్జున్ రెడ్డి, ఆర్ ఎక్స్ 100 చిత్రాల సరసన చేరుతుందేమో చూడాలి. ‘కుమారి 21ఎఫ్’ సినిమాతో కుర్రకారు మనసు గెలుచుకున్న బ్యూటీ హెబ్బా పటేల్. ఈమెకు తెలుగులో ‘అలా ఎలా’ తొలి సినిమానే అయినప్పటికీ సుకుమార్ నిర్మించిన ‘కుమారి 21ఎఫ్’తోనే మంచి గుర్తింపు వచ్చింది. ఈ చిత్రంలో బోల్డ్‌గా నటించి రాజ్ తరుణ్‌కి లిప్ లాక్ విందు ఇచ్చింది. ఆ తరవాత ఏడాదికి మూడు సినిమాల చొప్పున చేసుకుంటూ వచ్చింది. కానీ అవన్నీ చిన్న సినిమాలే. వరుణ్ తేజ్ పక్కన ‘మిస్టర్’ సినిమాలో నటించినా.. అది డిజాస్టర్ కావడంతో హెబ్బాకు పెద్దగా కలిసిరాలేదు. ఆ తర్వాత ‘అంధగాడు’, ‘ఏంజెల్’ సినిమాలు కూడా బాక్సాఫీసు వద్ద బోల్తా కొట్టాయి. దీంతో తనకు కలిసి వచ్చిన ముద్దూ ముచ్చట్లతోటే ‘24 కిస్సెస్’ అంటూ ప్రేక్షకుల ముందుకు వస్తుంది హెబ్బా. ఈ సినిమాకు ‘24 కిస్సెస్‌’ అని పేరు పెట్టడం వెనుక ఉన్న కథేంటో తెలియాలంటే వేచి చూడాల్సిందే.