నగర దర్శిని కార్యక్రమంలో భాగంగా  సత్తెనపల్లి పట్టణం 25వార్డులో ఏపీ స్పీకర్ డాక్టర్ కోడెల శివప్రసాదరావు గురువారం పర్యటించారు. ఈ సందర్బంగా అయన పలు అభివృద్ధి కార్యక్రమాలకు శంకుస్థాపనలు, ప్రారంభోత్సవాలు చేసారు. కోడెల మాట్లాడుతూ నాలుగున్నర సంవత్సరాల కాలంలో సత్తెనపల్లి పట్టణం అధ్బుతంగా అభివృద్ధి చేసుకున్నాం. గత 70సంవత్సరాలలో జరగని అభివృద్ధి నాలుగున్నర సంవత్సరాల కాలంలో చేసి చూపించామని అన్నారు. వెనుకబడిన సత్తెనపల్లి నియోజకవర్గాన్ని మొత్తం దేశానికే ఆదర్శంగా తీర్చిదిద్దాం. మనం చేసుకున్న అభివృద్ధి, కోన్ని ప్రత్యేక కార్యక్రమాలతో ప్రపంచం మొత్తం సత్తెనపల్లి వైపు చూస్తుంది. స్టేడియం, చెరువు, 100పడకల హస్పటల్, వావిలాల ఘాట్, కేంద్రీయ విద్యాలయం, ప్రభుత్వ గెస్ట్ హౌస్లు, ప్రభుత్వ కార్యాలయాలు, విస్తారమైన రోడ్లు, మెడల్ పోలీస్ స్టేషన్ ఇలా వందల కోట్ల రూపాయల అభివృద్ధి చేసుకున్నామని అన్నారు. ప్రజల సహకారం, తోడ్పాటు ఉంటే రానున్న రోజుల్లో మరింత అభివృద్ధి చేసుకుందామని పిలుపునిచ్చారు.