తెలుగులో ఎన్టీఆర్ చేసిన 'టెంపర్'  సినిమా ను  తమిళ భాషల్లో విశాల్  'అయోగ్య' పేరుతో రీమేక్ చేయనున్నారు. విశాల్ ప్రధాన పాత్రలో రీసెంట్ గా వచ్చిన 'పందెం కోడి 2' సినిమా కూడా తమిళంతో పాటు తెలుగులోను మంచి వసూళ్లను రాబట్టింది. ఈ సందర్భంగా విశాల్ మాట్లాడుతూ, 'పందెం కోడి'కి సీక్వెల్ చేస్తే సక్సెస్ అవుతుందనే నమ్మకం మొదటి నుంచి వుంది. ఆ నమ్మకాన్ని 'పందెం కోడి 2' సినిమా నిలబెట్టింది. దాంతో 'పందెం కోడి 3' చేయాలనే ఆలోచన కలిగింది. ఈ సీక్వెల్ కి అవసరమైన కథ రెడీ అవుతోంది. ఇక తెలుగులో ఎన్టీఆర్ చేసిన 'టెంపర్' ను 'అయోగ్య' పేరుతో రీమేక్ చేయనున్నాను. అయితే ఈ సినిమాను తెలుగులో రిలీజ్ చేసే ఆలోచన లేదు. తారక్ మాదిరిగా నేను చేయలేను .. అందువలన ఈ సినిమా తమిళంలో మాత్రమే విడుదలవుతుంది" అని చెప్పుకొచ్చాడు.