హైదరాబాద్ లోని  బంజారాహిల్స్, జూబ్లీహిల్స్‌లో పోలీసులు డ్రంకన్ డ్రైవ్ నిర్వహించారు. తాగి వాహనం నడుపుతున్న  85 మందిపై కేసులు నమోదు చేశారు. 42 కార్లు, 43 బైక్‌లు సీజ్‌ చేశారు. డ్రంకన్ డ్రైవ్‌లో ఓ మందుబాబు రెచ్చిపోయాడు. వీడియో తీస్తున్న పోలీసులతో వాగ్వాదానికి దిగడమే కాకుండా దాడికి పాల్పడ్డాడు. దీంతో పోలీసులు మందుబాబును అదుపులోకి తీసుకున్నారు. మరోవైపు మద్యం సేవించి వాహనం నడుపుతున్న మరో యువతి పోలీసుల నుంచి తప్పించుకునేందుకు యత్నించింది. దీంతో పోలీసులు ఆమెను అదుపులోకి తీసుకుని... కారు సీజ్‌ చేశారు.