ప్రముఖ నటుడు శివాజీ గణేశన్ కుమారుడు ప్రభు రాజకీయ రంగప్రవేశం చేస్తున్నాడు.  కాంగ్రెస్ పార్టీలో ఆయన చేరే అవకాశాలు ఉన్నాయని విశ్వసనీయ సమాచారం. తన తండ్రి శివాజీ గణేశన్ నుంచి సినీ వారసత్వాన్ని అందిపుచ్చుకున్న ప్రభు... సినీ రంగంలో సుదీర్ఘకాలం కొనసాగలేకపోయారు. ఈ నేపథ్యంలో, రాజకీయాల్లోకి రావాలని ఆయన భావిస్తున్నారు. ఇటీవల జరిగిన ఓ కార్యక్రమంలో ఆయన మాట్లాడుతూ, పక్కా ప్లాన్ తో రాజకీయాల్లోకి వస్తానని చెప్పారు. కాంగ్రెస్ అధినేత రాహుల్ గాంధీ తదుపరి చెన్నై పర్యటనలో భాగంగా... శివాజీ గణేశన్ ఇంటికి వెళ్లి, ఆయన చిత్ర పటానికి నివాళి అర్పించనున్నారు. ఈ సందర్భంగా కాంగ్రెస్ పార్టీలో ప్రభు చేరే అవకాశం ఉంది.