సూపర్‌స్టార్ రజనీకాంత్ హీరోగా శంకర్ తెరకెక్కించిన చిత్రం ‘2.O’. భారీ బడ్జెట్‌తో తెరకెక్కించిన ఈ చిత్రం నవంబర్ 29న ప్రేక్షకుల ముందుకు రానుంది. ఈ నేపథ్యంలో ట్రైలర్ విడుదలకు ముహూర్తం ఫిక్స్ చేశారు. నవంబర్ 3వ తేదిన 2.O ట్రైలర్ విడుదల కానున్నట్లు చిత్ర యూనిట్ అధికారికంగా ప్రకటించింది. ఇప్పటికే విడుదలైన టీజర్‌ అందరినీ ఆకట్టుకోవడంతో ట్రైలర్‌ గురించి అందరూ ఆసక్తికరంగా ఎదురుచూస్తున్నారు.  చిత్రంలో రజనీ సరసన అమీ జాక్సన్ నటించగా.. అక్షయ్ కుమార్ విలన్‌గా కనిపించనున్నాడు. లైకా ప్రొడక్షన్స్ నిర్మించిన ఈ చిత్రానికి ఏఆర్ రెహమాన్ సంగీతం అందించాడు. రోబో సీక్వెల్‌గా తెరకెక్కిన ఈ చిత్రంపై ప్రేక్షకులలో భారీ అంచనాలు ఉన్నాయి.