రాహుల్-చంద్రబాబు భేటీతో ఏపీలో టీడీపీ పనైపోయిందంటున్నారు బీజేపీ ఎమ్మెల్సీ సోము వీర్రాజు. రాజమండ్రిలో మాట్లాడిన ఎమ్మెల్సీ,  కాంగ్రెస్-టీడీపీ దోస్తీపై మండిపడ్డారు. కాంగ్రెస్ పార్టీకి వ్యతిరేకంగా పుట్టిన టీడీపీ.. అదే పార్టీతో చేతులు కలపడం ఏంటని ప్రశ్నించారు. చంద్రబాబు ఓ రాజకీయ దళారిలా మారారని.. టీడీపీ సిద్ధాంతాలకు తిలోదకాలు ఇచ్చేశారని మండిపడ్డారు. చంద్రబాబుతో కలిసి జాతీయ స్థాయి నేతలు కూడా తమ గౌరవాన్ని పోగొట్టుకున్నారని వ్యాఖ్యానించారు. సోనియాను దేశం నుంచి తరిమికొట్టాలన్న చంద్రబాబు.. మళ్లీ వాళ్లతో కలిసేందుకు తాపత్రయపడుతున్నారన్నారు సోము. కాంగ్రెస్తో జతకడుతున్న చంద్రబాబుపై ఎన్టీఆర్ కుటుంబ సభ్యులు తిరుగుబాటు చేయాలన్నారు. వచ్చే ఎన్నికల్లో ఆంధ్రప్రదేశ్లో టీడీపీకి 30కు మంచి సీట్లు రావని జోస్యం చెప్పారు. రాష్ట్రంలో రావాల్సిన ప్రభుత్వం అధికారంలోకి వస్తుందని,  తమ పార్టీ భాగస్వామ్యం కూడా ఉంటుందన్నారు.
రాహుల్-చంద్రబాబు భేటీపై బీజేపీ ఎంపీ జీవిఎల్ కూడా మండిపడ్డారు. దేశాన్ని రక్షిస్తామని చంద్రబాబు చెబుతున్నారని.. దాని అర్ధం తెలుగు దేశాన్ని రక్షిస్తానని చెప్పడమే అన్నారు. యూపీఏ కూటమి అవినీతి కూటమి, అప్రజాస్వామిక కూటమి, ఈ కూటమిలో చేరిన పార్టీలు భూస్థాపితం అవుతాయన్నారు. 20 రాష్ట్రాల్లో అధికారంలో ఉన్న బీజేపీని ఏ కూటములు ఏమీ చేయలేవన్నారు. దేశంలో కాంగ్రెస్ పార్టీకి నూకలు చెల్లిపోయాయని.. 2019 ఎన్నికల తర్వాత టీడీపీ కూడా కనుమరగు అవుతుందన్నారు. కాంగ్రెస్తో పొత్తు, విపత్తుకు దారితీస్తుందన్నారు జీవీఎల్.