తమిళ నటుడు, ఇళయ దళపతి విజయ్ నటించిన తాజా చిత్రం సర్కార్ బాక్సాఫీసు వద్ద దుమ్ము రేపుతోంది. మంగళవారం విడుదలైన ఈ సినిమా ఒక్క రోజులోనే భారీ వసూళ్లతో రికార్డు సృష్టిస్తోంది. చెన్నైలో 70 స్క్రీన్లలో విడుదలైన ఈ సినిమా ఒక్క రోజులోనే రూ. 2.41 కోట్లు వసూలు చేసింది. ఇక, ఓవర్సీస్‌లో అయితే చెప్పనక్కర్లేదు. కలెక్షన్ల సునామీతో దూసుకుపోతోంది. తెలుగు రాష్ట్రాల్లో అయితే మొదటి రోజు రూ. 2.32 కోట్లు వసూలు చేసినట్టు తెలుస్తోంది. సినిమా పట్ల కొంత నెగిటివ్ టాక్ ఉన్నప్పటికీ వసూళ్లపై ఆ ప్రభావం కనిపించకపోవడం విశేషం.