తమిళ నటుడు విజయ్‌ నటించిన ‘సర్కార్’ చిత్రం రికార్డు సృష్టించింది. మంగళవారం విడుదలైన ఈ చిత్రం రెండు రోజుల్లోనే రూ.100 కోట్ల క్లబ్‌లో చేరింది. అటు విదేశాల్లోనూ సినిమా హాలీవుడ్‌ స్థాయిలో దూసుకెళుతున్నట్లు చిత్ర వర్గాలు చెబుతున్నాయి. ఈ చిత్రంతో విజయ్‌ ‘బాహుబలి 2’ సినిమా తొలిరోజు వసూళ్లను అధిగమించారు. రెండు రోజుల్లోనే అత్యధిక వసూళ్లు రాబట్టి రికార్డు సృష్టించిన ఏకైక తమిళ చిత్రం ‘సర్కార్’ అవ్వాలని చిత్రవర్గాలు ఆశిస్తున్నాయి. ఏ.ఆర్‌. మురుగదాస్‌ ఈ చిత్రానికి దర్శకత్వం వహించారు. కీర్తి సురేశ్‌ కథానాయికగా నటించారు. వరలక్ష్మి శరత్‌కుమార్‌ కీలక పాత్ర పోషించారు.