పాటల్లో వచ్చే పదాలే సినిమా పేర్లుగా వచ్చే ట్రెండ్ టాలీవుడ్లో కొనసాగుతుంది. ఇటీవల నాని నటించిన ‘నేను లోకల్’ చిత్రంలో ‘నెక్స్ ఏంటి?.. అనే పాట పాపులర్ కావడంతో ఇదే ఇప్పుడు మిల్కీ బ్యూటీ తమన్నాకు కొత్త సినిమాకు టైటిల్గా మారింది. తమన్నా, సందీప్ కిషన్లు ప్రధాన పాత్రల్లో నటిస్తున్న సినిమాకు ‘నెక్స్ట్ ఏంటి?’ అనే టైటిల్ను ఫిక్స్ చేస్తూ నేడు ఫస్ట్ లుక్ను బాహుబలి స్టార్ రానా విడుదల చేశారు. రొమాంటిక్ లవ్ ఎంటర్ టైనర్గా తెరకెక్కుతున్న ఈ చిత్రానికి బాలీవుడ్ డైరెక్టర్ కునాల్ కోహ్లీ దర్శకత్వం వహిస్తున్నారు. ఆయన హిందీలో ‘ఫనా’, ‘హమ్ తుమ్’ లాంటి విజయవంతమైన చిత్రాలను రూపొందించారు. ‘నెక్స్ట్ ఏంటి?’ చిత్రంతో టాలీవుడ్కి పరిచయం కాబోతున్నారు. రైనా జోషి, అక్షయ్ పూరిలు సంయుక్తంగా నిర్మిస్తున్నారు.