మెగా పవర్ స్టార్ రామ్ చరణ్ హీరోగా, బోయపాటి శ్రీనివాస్ దర్శకుడిగా తెరకెక్కుతున్న ‘వినయ విధేయ రామ’ చిత్రం టీజర్‌కు మాంచి రెస్పాన్స్ వస్తోంది. ఈ టీజర్‌ విడుదలైన కొద్ది క్షణాల్లోనే అత్యధిక మంది వీక్షించారు. దీంతో 24 గంటల వ్యవధిలోనే 15 మిలియన్ డిజిటల్ వ్యూస్‌‌తో తెలుగు టీజర్లలో సరికొత్త రికార్డును సొంతం చేసుకుంది.‘‘రామ్.. కొ.ణి.దె.ల’’ అంటూ రామ్ చరణ్ చెప్పే డైలాగ్‌కు అభిమానులు ఫిదా అయిపోతున్నారు. యాక్షన్ సన్నివేశాలు, దేవీ శ్రీ నేపథ్య సంగీతంతో ఈ టీజర్ మాంచి కిక్ ఇస్తుండటంతో మెగా అభిమానులు పండగ చేసుకుంటున్నారు. ఈ సినిమాలో రామ్ చరణ్ సరసన కైరా అద్వానీ హీరోయిన్‌గా నటిస్తోంది. డీవీవీ ఎంటర్‌టైన్మెంట్ బ్యానర్‌‌లో దానయ్య ఈ చిత్రాన్ని నిర్మిస్తున్నారు. ఈ చిత్రంలో బాలీవుడ్ నటుడు వివేక్ ఒబెరాయ్ ప్రతి నాయకుడిగా నటిస్తున్నారు. రానున్న సంక్రాంతికి ‘వినయ విధేయ రామ’ థియేటర్స్‌లో విడుదల కానుంది.