దర్శక దిగ్గజం రాజమౌళి తాజా చిత్రం షూటింగ్ టాలీవుడ్ సినీ ప్రముఖుల సందడి మధ్య ప్రారంభమైంది. మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ లు నటిస్తున్న ఈ మల్టీ స్టారర్ చిత్రం షూటింగ్ ప్రారంభోత్సవానికి పరిశ్రమకు చెందిన పలువురు ప్రముఖులు హాజరై యూనిట్ కు శుభాకాంక్షలు తెలిపారు. చిరంజీవి, రాఘవేంద్రరావు, దగ్గుబాటి సురేష్, అల్లు అరవింద్, శ్యామ్ ప్రసాద్, వీవీ వినాయక్, ప్రభాస్, రానా, కీరవాణి తదితరులు ఈ కార్యక్రమానికి హాజరయ్యారు. చిరంజీవి, ప్రభాస్ తదితరులు పూజా కార్యక్రమాల్లో పాలు పంచుకుని సినిమా బాగా రావాలని శుభాభినందనలు తెలిపారు.