‘కుమారి 21ఎఫ్’ సినిమాతో తెలుగులో మంచి గుర్తింపు తెచ్చుకున్న హీరోయిన్ హెబ్బా పటేల్. ‘అలా ఎలా’ సినిమాతో తెలుగులో ఆరంగేట్రం చేసినా ‘కుమారి 21ఎఫ్’లో చేసిన హాట్ రోల్‌తో హెబ్బాకు ఎక్కడలేని పాపులారిటీ వచ్చేసింది. ముఖ్యంగా కుర్రకారును హెబ్బా విపరీతంగా ఆకట్టుకుంది. ‘కుమారి 21ఎఫ్’ తరవాత హెబ్బాకు అవకాశాలు పెరిగినా చెప్పుకోదగిన హిట్టు మాత్రం దక్కలేదు. దీనికి తోడు ప్రస్తుతం అవకాశాలు కూడా తగ్గాయి. ఇలాంటి తరుణంలో ‘24 కిస్సెస్’ అనే సినిమాలో హెబ్బా నటించింది. ఇప్పుడు ఈ సినిమా టాలీవుడ్‌లో హాట్ టాపిక్‌గా మారింది. ఈ సినిమాలో లిప్‌ లాకులు శ్రుతిమించాయనే విమర్శలు వస్తున్నాయి. ఇటీవల విడుదలైన ‘కిసెస్ మేకింగ్ వీడియో’ ఇప్పుడు తీవ్ర దుమారం రేపుతోంది. ఈ వీడియోలో హెబ్బా రకరకాల యాంగిల్స్‌లో లిప్ లాక్‌లు పెడుతూ చెలరేగిపోయింది. అయితే ఈ కిస్సులపై తెలుగు న్యూస్ ఛానెల్ టీవీ9 ‘హద్దులు దాటుతున్న ముద్దులు’ అంటూ డిబేట్‌ను నిర్వహించింది. దీనికి యాంకర్‌గా జాఫర్ వ్యవహరించారు. ఈ డిబేట్‌లో హెబ్బా పటేల్‌తో పాటు ‘ఆర్ఎక్స్100’ దర్శకుడు అజయ్ భూపతి కూడా పాల్గొన్నారు. అయితే, ముద్దులపై మరీ గుచ్చి గుచ్చి జాఫర్ అడగడంతో అసహనానికి గురైన హెబ్బా పటేల్ డిబేట్ మధ్యలోనే వెళ్లిపోయింది. ఈ డిబేట్‌పై తాజాగా కత్తి మహేష్ సోషల్ మీడియా వేదికగా స్పందించారు. ‘సినిమా పేరే ‘24 కిస్సెస్’.. మరి ముద్దులుకాక భజనలు ఉంటాయని వెళ్తారా జనం. ఏమిటి ఈ చర్చలు. యాంకర్ జాఫర్‌కి హెబ్బా పటేల్‌ని అలా అవమానపర్చే హక్కు కచ్చితంగా లేదు. టూమచ్ అబ్బా!’ అంటూ ఫేస్‌బుక్‌లో కత్తి మహేష్ పోస్ట్ చేశారు. కత్తి మహేష్ పోస్ట్‌కు పాజిటివ్ రెస్పాన్స్ వస్తోంది. సోషల్ మీడియాలో చాలా మంది హెబ్బాను సపోర్ట్ చేస్తూ కామెంట్లు పెడుతున్నారు. హెబ్బాను అవమానపరిచేలా మాట్లాడటంపై యాంకర్ జాఫర్‌ను తిట్టిపోస్తున్నారు