తెలుగులో భారీ విజయం సాధించిన 'టెంపర్' చిత్రాన్ని తమిళ్ లో రీమేక్ చేస్తున్న సంగతి తెలిసిందే. విశాల్‌ కథానాయకుడిగా నటిస్తున్న  ఈ చిత్రానికి 'అయోగ్య' అనే టైటిల్ ఖరారు చేసారు. ఇటీవలె ఈ చిత్రం ఫస్ట్ లుక్ రిలీజ్ చేసారు.  ఈ లుక్ లో విశాల్ చేతిలో బీరు పట్టుకుని.. పోలీసు జీపుపై కూర్చుని కనిపించారు. ఇప్పుడు ఈ పోస్టర్‌పై వివాదం చెలరేగింది. ‘నడిగర్‌ సంఘం‌ సెక్రెటరీగా విశాల్‌కు కాస్త సామాజిక బాధ్యత ఉందని అనుకున్నా. ఈ పోస్టర్‌ ద్వారా మీరు ఏం చెప్పాలి అనుకున్నారు?. మొన్న పొగతాగారు.. ఇప్పుడు బీరు సీసాతో పోజులిస్తున్నారు. విశాల్‌ తన సామాజిక బాధ్యతను ఇలా బయటపెడుతున్నారు’ అంటూ రామదాస్‌ ఆగ్రహం వ్యక్తం చేశారు.