మహిళల టీ20 ప్రపంచకప్‌లో సెమీఫైనల్లో ఇంగ్లాండ్‌ చేతిలో భారత్‌కు ఓటమి తప్పలేదు. ఇంగ్లండ్‌తో జరిగిన ఈ మ్యాచ్‌లో భారత్ ఎనిమిది వికెట్ల తేడాతో ఓడిపోయింది. మొదట టాస్ గెలిచి బ్యాటింగ్ ఎంచుకున్న భారత్‌ 19.3 ఓవర్లలో 112 పరుగులకే ఆలౌట్ అయింది. తరువాత బ్యాటింగ్ కి వచ్చిన ఇంగ్లాండ్ కష్టసాధ్యం కాని లక్ష్యాన్ని ఛేదించే క్రమంలో బరిలోకి దిగిన ఇంగ్లండ్‌ను ఇన్నింగ్స్ రెండో ఓవర్‌లోనే రాధా యాదవ్ దెబ్బకొట్టింది. ఒక పరుగు మాత్రమే చేసిన బ్యూమౌంట్ మిడాన్‌లో ఉన్న అరుందతీ రెడ్డి చేతికి చిక్కింది. తర్వాత డానీ వ్యాట్ కూడా ఎనిమిది పరుగులు మాత్రమే చేసి అవుటయింది. దీంతో భారత్‌ శిబిరంలో ఆశలు రేకెత్తాయి. తర్వాత బ్యాటింగ్‌కు దిగిన నాటాలీ స్కివర్-అమీ అలెన్ జోన్స్ జోడీ మరో వికెట్ పడకుండా ఇంగ్లండ్‌ను విజయ తీరాలకు చేర్చింది. వీరిద్దరూ హాఫ్ సెంచరీలు చేయడంతో పాటు మూడో వికెట్‌కు 92 పరుగుల భాగస్వామ్యం నమోదు చేశారు. దీంతో మరో 17 బంతులు మిగిలుండగానే మ్యాచ్ ముగిసింది.