నాగ‌శౌర్య‌, సాయిప‌ల్ల‌వి జంట‌గా న‌టించిన చిత్రం 'క‌ణం'. త‌మిళంలో 'క‌రు' పేరుతో రూపొందిన ఈ ద్విభాషా చిత్రానికి ఎ.ఎల్‌.విజ‌య్ ద‌ర్శ‌క‌త్వం వ‌హించారు. ఇదిలా ఉంటే.. తాజాగా ఈ సినిమాకి సంబంధించిన‌ సెన్సార్ కార్య‌క్ర‌మాలు పూర్త‌య్యాయి. ఎలాంటి క‌ట్స్ లేకుండా ఈ చిత్రానికి సెన్సార్ క‌మిటీ 'యు/ఎ' స‌ర్టిఫికేట్ జారీ చేసింది. అంతేగాకుండా, సినిమా చాలా బాగుందంటూ ప్ర‌శంస‌ల వ‌ర్షం కురిపించింద‌ని చిత్ర వ‌ర్గాలు పేర్కొంటున్నాయి. కాగా, ఈ నెల 23న ఈ సినిమా తెర‌పైకి వ‌చ్చే అవ‌కాశ‌ముంది. 'ఫిదా', 'ఎంసీఏ' చిత్రాల్లో ప‌రిణ‌తితో కూడిన న‌ట‌న‌తో మెప్పించిన సాయిప‌ల్ల‌వి.. ఈ చిత్రంలో నాలుగేళ్ళ పాప‌కి త‌ల్లిగా న‌టించ‌డం విశేషం.