మిథాలీరాజ్‌ను తప్పించడం తనకేమీ ఆశ్చర్యం కలిగించలేదని టీమ్ ఇండియా మాజీ సారథి గంగూలీ అన్నాడు. గతంలో బ్యాటింగ్‌లో ఇరగదీస్తున్న సమయంలో తనకు కూడా ఇలాంటి సంఘటనే జరిగిందని గంగూలీ గుర్తు చేసుకున్నాడు. ఐసీసీ టీ20 ప్రపంచకప్ సెమీస్ మ్యాచ్‌లో ఆడకుండా మిథాలీని తప్పించిన సంగతి తెలిసిందే. ఇంగ్లండ్‌తో జరిగిన సెమీస్‌లో హర్మన్‌సేన 8 వికెట్ల తేడాతో ఓడిన సంగతి తెలిసిందే. మిథాలీకి మరోసారి అవకాశం తప్పకుండా వస్తుంది. కాగా, ప్రపంచ కప్ సెమీస్‌లో టీమ్ ఇండియా ఓడిపోవడం బాధ కలిగించిందన్నాడు. జీవితంలో అప్పుడప్పుడు ఇలాంటి కష్టాలు ఎదురవుతాయని, జీవితంలో దేనికీ గ్యారంటీ లేదని మిథాలీకి గంగూలీ ఓదార్పు కలిగించాడు.