కర్నూలు జిల్లాకు చెందిన బాలసాయిబాబా మృతి చెందారు. లోయర్‌ ట్యాంక్‌బండ్‌లో ఉన్న ఆశ్రమంలో బాలసాయిబాబాకు సోమవారం అర్ధరాత్రి గుండెపోటు వచ్చింది. ఆయన వయస్సు 58 సంవత్సరాలు. బంజారాహిల్స్‌లోని విరంచి ఆస్పత్రిలో చికిత్స పొందుతూ ఆయన కన్నుమూశారు. బాలసాయిబాబు స్వస్థలం కర్నూలు నగరం. ఆయనకు తెలుగు రాష్ట్రాలతో పాటు ఇతర రాష్ట్రాలు, విదేశాల్లో కూడా  వేలాది మంది భక్తులు ఉన్నారు. కర్నూలుతో పాటు హైదరాబాద్‌లో కూడా ఆయనకు ఎన్నో ఆశ్రమాలు ఉన్నాయి. బాలసాయిబాబా తనకు తాను అవతారంగా ప్రకటించుకుని గత కొన్ని దశాబ్దాలుగా భక్తులకు బోధనలు చేస్తూ... ఆధ్యాత్మిక  జీవితం గుడుపుతున్నారు.