జనసేన పార్టీతో పవన్ కళ్యాణ్ ప్రజల ముందుకొచ్చాడు. అయితే ఆయనకు ఊహించిన మేర ప్రజా సపోర్ట్ లభించటం లేదు. పవన్ విధానాల పట్ల జనంలో ఆసక్తి కొరవడిందనే టాక్ ఎక్కువగా వినిపిస్తోంది. అయితే ఏదోలా తన ఉనికి చూపించాలనే కోణంలో పవన్.. జగన్‌పై విమర్శలు గుప్పించటం రాజకీయ వర్గాల్లో చర్చనీయాంశం అయింది.అంతకుముందు జగన్ గురించి పెద్దగా మాట్లాడని పవన్.. గత కొద్ది రోజులుగా జగన్మోహన్ రెడ్డిని టార్గెట్ చేస్తూ రెచ్చిపోతున్నారు. మగతనం లేదా? లాంటి మాటలతో జగన్‌పై విమర్శలు గుప్పిస్తుండటం హాట్ టాపిక్ అవుతోంది. అయితే పవన్ ఇలా మాట్లాడటానికి ప్రధాన కారణం ఆయనకున్న ఇగోనేనని అంటున్నారు విశ్లేషకులు. ప్రస్తుతం జనాలు తన గురించి పెద్దగా మాట్లాడుకోవటం లేదని గ్రహించిన ఈ జనసేనాని.. జగన్‌ను టార్గెట్ చేస్తే.. తన గురించి జగన్ కూడా మాట్లాడతాడని, అప్పుడు పవన్ కల్యాణ్ పేరు కాస్త జనాల చర్చల్లో పాలు పంచుకుంటుందని అంచనాకు వచ్చాడని తెలుస్తోంది.ఎక్కడకు వెళ్లినా తనను జగన్ విమర్శించాలనే కోణంలో ప్రసంగాలు చేస్తున్నారు పవన్. జగన్ అవినీతి చరిత్ర గురించి పూస గుచ్చినట్లు చెబుతున్నాడు. జగన్.. కోడి కత్తి డ్రామాలను గెలిచేశాడని ఎద్దేవా చేస్తూ ఆయనపై విమర్శలు గుప్పిస్తున్నారు. అంటే పవన్ దృష్టిలో రాజకీయ రణరంగంలో తన పేరు వినిపిస్తే.. తనకు సప్పోర్ట్ లభిస్తుందని అనుకుంటున్నాడేమో పాపం! ఎంతైనా సినిమా ప్రమోషన్స్ బాగా చేసినవాడు కదా.. రాజకీయాల్లో ఇలా ప్రమోషన్స్ చేసుకోవాలనుకుంటున్నాడు కాబోలు.మొత్తానికి ఈ విషయం గ్రహించిన ప్రజా లోకం.. రాజకీయమంటే సినిమా కాదనే కనీస పరిజ్ఞానం కూడా పవన్‌లో లేదని చెప్పుకుంటున్నారు. ఎలాగోలా.. ఇలా అయినా తన పేరు జనం నోళ్ళలో నానుతోందనే తృప్తి మిగిలిందిలే పవన్‌కి. అంతే కదండీ మరి!