ఆంధ్రప్రదేశ్‌లో ఉపాధ్యాయ నియామకానికి నిర్వహించే డీఎస్సీ పరీక్ష రెండు వారాల పాటు వాయిదా వేశారు. అభ్యర్థుల విజ్ఞప్తి మేరకు డిసెంబర్‌ 6 నుంచి జరగాల్సిన ఈ పరీక్షలను రెండు వారాల పాటు వాయిదా వేస్తున్నట్టు అధికారులు తెలిపారు. స్కూల్‌ అసిస్టెంట్‌ (నాన్‌ లాంగ్వెజెస్‌) అభ్యర్థులకు డిసెంబర్‌ 19, 21 తేదీల్లో, స్కూల్‌ అసిస్టెంట్‌ (లాంగ్వేజెస్‌) అభ్యర్థులకు డిసెంబర్‌ 22న పరీక్షలు నిర్వహించనున్నారు. అలాగే, టీజీటీ అభ్యర్థులకు డిసెంబర్‌ 26, 27 తేదీల్లో, పీజీటీ అభ్యర్థులకు డిసెంబర్‌ 23, 24 తేదీల్లో నిర్వహించనున్నట్టు పేర్కొన్నారు. డీఎస్సీకి దరఖాస్తు చేసుకున్న అభ్యర్థులు డిసెంబర్‌ 10 నుంచి హాల్‌ టికెట్లు డౌన్‌లోడ్‌ చేసుకొనే అవకాశం కల్పించారు.