జ‌యం సినిమాతో వెండితెర ఆరంగేట్రం చేసిన నితిన్, కెరియ‌ర్‌లో వైవిధ్య సినిమాలు చేస్తూ అభిమానుల గుండెల‌లో ల‌వ‌ర్‌బాయ్‌గా స్థానం సంపాదించుకున్నాడు. ప్ర‌స్తుతం లిరిసిస్ట్ కృష్ణ చైతన్య ద‌ర్శ‌క‌త్వంలో త‌న 25వ సినిమా చేస్తున్నాడు. ఫీల్ గుడ్ ల‌వ్ ఎంట‌ర్‌టైన‌ర్‌గా రూపొందుతున్న ఈ చిత్రంలో మేఘా ఆకాశ్ క‌థానాయిక‌గా నటిస్తుంది. థ‌మ‌న్ సంగీతం అందిస్తున్నాడు. ప‌వ‌న్ కళ్యాణ్ క్రియేటివ్ వర్క్స్ , శ్రేష్ట్ మూవీస్ సంయుక్తంగాఈ చిత్రాన్ని నిర్మిస్తున్నాయి . త్రివిక్రమ్ శ్రీనివాస్ ఈ చిత్రానికి కథ అందించగా, మూవీకి చ‌ల్ మోహ‌న్ రంగ అనే టైటిల్ ఫిక్స్ చేశారు. రీసెంట్‌గా చిత్ర ఫ‌స్ట్ లుక్ విడుద‌ల చేసిన మేక‌ర్స్‌, వేలంటైన్స్ డే సంద‌ర్భంగా ఉద‌యం 9గం.లకి టీజ‌ర్ విడుద‌ల చేయ‌బోతున్న‌ట్టు ప్ర‌క‌టించారు. న‌ట‌రాజ‌న్ సుబ్ర‌హ్మ‌ణ్య‌న్ ఈ చిత్రానికి సినిమాటోగ్రాఫర్‌గా ప‌ని చేస్తున్నారు. అ..ఆ సినిమా త‌ర్వాత నితిన్ చేస్తున్న ఈ మూవీపై అభిమానుల‌లో భారీ అంచ‌నాలే ఉన్నాయి. ఇక చ‌ల్ మోహ‌న్ రంగ సినిమా పూర్తైన వెంట‌నే దిల్ రాజు నిర్మాణంలో శ్రీనివాస కళ్యాణం అనే సినిమా చేయనున్నాడు నితిన్‌. శతమానం భవతి దర్శకుడు సతీష్ వేగేశ్న ఈ చిత్రాన్ని తెరకెక్కించనున్నాడు.