డైరెక్టర్ రాజమౌళి తీస్తున్న భారీ మల్టీస్టారర్ ఆర్.ఆర్.ఆర్ సినిమా ఇటీవలే షూటింగ్ ప్రారంభం అవ్వగా, హైదరాబాద్ లో వేసిన భారీ సెట్ లో యాక్షన్ సీన్స్ ని తీస్తున్నాడు. ఇక ఈ సినిమాలో నటిస్తున్న ఎన్టీఆర్, రామ్ చరణ్ క్యారెక్టర్స్ ఎలా ఉంటాయి, వారి లుక్ ఎలా ఉంటుంది? ఇందులో ఇంకా ఎవరెవరు నటిస్తున్నారు ? సినిమాకి సంబంధించిన ఏదైనా అప్డేట్ ఎప్పుడు వస్తుందో అని చాలా మంది అభిమానులు చాలా ఆసక్తిగా ఎదురుచూస్తున్నారు. అయితే జూనియర్ ఎన్టీఆర్ కి సంబంధించి ఒక ఫోటో ఇప్పుడు సోషల్ మీడియా లో వైరల్ గా మారింది. ఈ ఫోటో చూస్తుంటే డైరెక్టర్ రాజమౌళి ఎన్టీఆర్ ని పూర్తిగా మార్చేస్తాడేమో అని అనుకుంటున్నారు. ఆ డిటేల్స్ పై మీరూ ఓ లుక్ వేయండి.ఈ సినిమాలో జూనియర్ ఎన్టీఆర్ చాలా కొత్తగా కనిపిస్తాడని ఇదివరకే వార్తలు వినిపించగా, ఇప్పుడు వైరల్ అవుతున్న ఫోటో ని చూస్తే జక్కన ఎన్టీఆర్ ని కొత్తగా చూపించబోతున్నాడనే అంటున్నారు. భారీకాయంతో, గుబురు గడ్డంతో ఎన్టీఆర్ గెటప్ ఉంటుందని, ‘అరవింద సమేత’ సినిమా కు సిక్స్ ప్యాక్ చేసిన ఎన్టీఆర్ కి శిక్షణ ఇచ్చిన సెలబ్రిటీ ఫిట్నెస్ ట్రైనర్, ఎన్టీఆర్ భారీకాయుడిగా అయ్యేందుకు కూడా అతడే శిక్షణ ఇవ్వనున్నాడని సమాచారం. ఇక ఈ సినిమాలో ఎన్టీఆర్ లుక్ మాత్రం జక్కన్న పూర్తిగా మార్చేస్తునట్లుగా వార్తలు వినిపిస్తున్నాయి. దానికి తగ్గట్టే షూటింగ్ ఓపెనింగ్ రోజుతో పాటు మొన్న బయటికి వచ్చిన లీక్డ్ ఫోటోలో సైతం ఎన్టీఆర్ ఒళ్ళు చేసినట్టు కనిపించడం ఈ అనుమానాలకు దారి తీస్తోంది. అరవింద సమేత వీర రాఘవ కోసం ఒళ్ళు హూనం చేసుకుని విదేశీ ట్రైనర్ సహాయంతో ఆరు పలకల దేహాన్ని సాధించిన తారక్ ఇంత తక్కువ గ్యాప్ లోనే అంత బరువు అంటే సాహసమే. అసలు బ్యాక్ డ్రాప్ గురించే సస్పెన్స్ అంతుచిక్కక ఫ్యాన్స్ సతమతమవుతుంటే ఇప్పుడీ ఎన్టీఆర్ లుక్ పై యాంగ్జైటీ నెలకుంది. అయినా రాజమౌళి ఏదైనా సమయం వచ్చినప్పుడే చెప్తాడు కాబట్టి వెయిట్ చేయడం తప్ప ఎవరు ఏం చేయలేని పరిస్థితి. వినయ విధేయ రామ చివరి పాట కోసం కొంత బ్రేక్ తీసుకోనున్న రామ్ చరణ్ డిసెంబర్ 25న జరిగే ఆడియో రిలీజ్ లో పాల్గొనాల్సి ఉంది. తర్వాత ఆర్ఆర్ఆర్ కోసం తాను కూడా ఏదైనా స్పెషల్ లుక్ లోకి మారాల్సి ఉంటుందేమో జక్కన్న చరణ్ లకు మాత్రమే తెలుసు. మొత్తానికి విడుదలకు చాలా టైం ఉన్నప్పటికీ ఆర్ఆర్ఆర్ ఇప్పటి నుంచే హాట్ డిస్కషన్స్ లో భాగంగా మారిపోయింది..