ప్రస్తుతం మహేష్ వంశి పైడిపల్లి దర్శకత్వంలో 'మహర్షి' చిత్రం చేస్తున్నాడు. ఈ చిత్రం సెట్స్ ఫై ఉండగానే తదుపరి సినిమాకి సంబంధించిన పనులు వేగవంతం చేస్తున్నాడు మహేష్. రీసెంట్ గా సుకుమార్ వినిపించిన మరో కథకు గ్రీన్ సిగ్నల్ ఇచ్చేశాడని అంటున్నారు. ఇది కూడా మైండ్ గేమ్ తరహాలోనే సాగే కథ అని అంటున్నారు. ఈ సినిమాలో కథానాయికగా ఆయన రకుల్ ను ఎంపిక చేసినట్టుగా తెలుస్తోంది. ఇంతకుముందు సుకుమార్ చేసిన 'నాన్నకు ప్రేమతో' సినిమాలో ఆమెనే హీరోయిన్. గతంలో మహేష్ నటించిన 'స్పైడర్' చిత్రంలో రకుల్ కథానాయికగా నటించిన సంగతి తెలిసిందే.