కాజల్.. బెల్లంకొండ శ్రీనివాస్ జంటగా 'కవచం' చిత్రం నిన్న థియేటర్స్ కి వచ్చింది. మరోసారి వీరిద్దరి కంబినేషన్లో తేజ దర్శకత్వంలో ఒక సినిమా రూపొందుతోంది. ఈ కథ అంతా కూడా కాజల్ పాత్ర చుట్టూనే తిరుగుతుందట. అందువలన టైటిల్ కూడా కాజల్ పాత్ర పరంగా 'సీత' అని పెట్టనున్నట్టుగా తెలుస్తోంది.  తొలి సినిమాతోనే మాస్ హీరోగా మార్కులు కొట్టేసిన బెల్లంకొండ శ్రీనివాస్, ఆ తరువాత కూడా మాస్ ఆడియన్స్ కి నచ్చే అంశాలు తన సినిమాల్లో ఉండేలా చూసుకుంటూ వస్తున్నాడు. అలాగే తన సినిమాల్లో భారీతనం తగ్గకుండా జాగ్రత్త పడుతున్నాడు. అలాంటి బెల్లంకొండ శ్రీనివాస్ నాయికా ప్రాధాన్యత కలిగిన 'సీత' సినిమాను చేస్తుండటం విశేషమే.