మేడ్చల్‌ జిల్లాలో శుక్రవారం మధ్యాహ్నం భారీ ప్రమాదం చోటుచేసుకుంది. చెంగిచర‍్ల చౌరస్తా వద్ద మేడిపల్లి సమీపంలో లోడ్‌తో వెళుతున్న ఆయిల్‌ ట్యాంకర్‌లో అకస్మాత్తుగా మంటలు చెలరేగాయి. దీంతో పరిసర ప్రాంతంలో భారీగా దట్టమైన పొగలు అలుముకున్నాయి. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని మంటలను అదుపు చేసేందుకు యత్నిస్తున్నారు. ఒక్కసారిగా భారీగా పేలుడు సంభవించడంతో స్థానికులు ఉలిక్కిపడి.. భయంతో పరుగులు తీశారు. ఈ ప్రమాదంలో ముగ్గురు తీవ్రంగా గాయపడ్డారు. కాగా ట్యాంకర్‌.. ఆయిల్‌ నింపుకుని పెట్రోల్‌ కంపెనీ నుంచి బయటకు వచ్చాక,  ఆయిల్‌ ను దొంగలిస్తుండగా ఈ ప్రమాదం జరిగినట్లు అనుమానిస్తున్నారు.