తమిళ నటుడు విజయకుమార్ కూతురిని పోలీసులు అరెస్ట్ చేసారు. గతకొంత కాలంగా విజయకుమార్.. అయన కుమార్తె వనిత మధ్య ఆస్తి వివాదాలు  జరుగుతున్నాయి. విజయకుమార్‌కు చెన్నైలోని పెద్ద బంగ్లా ఉంది. ఆయన సినిమా షూటింగ్ ల కోసం అద్దెకు ఇస్తూ ఉంటారు. ఈ నేపథ్యంలో ఓ సినిమా కోసం భవనాన్ని అద్దెకు తీసుకున్న వనిత అందులో దిగిపోయింది. ఎన్నిసార్లు చెప్పినా ఖాళీ చేసేందుకు నిరాకరించింది. అందువలన విజయకుమార్ గతంలో మధురవాయిల్ పోలీసులను ఆశ్రయించారు. అప్పట్లో వనిత సుప్రీంకోర్టును ఆశ్రయించగా, ఆమెను అరెస్ట్ చేయరాదని న్యాయస్థానం మధ్యంతర ఉత్తర్వులు జారీచేసింది. ఈ నేపథ్యంలో ఆమె గురువారం మళ్లీ తిరిగివచ్చింది. దీంతో విజయకుమార్ మరోసారి పోలీసులను ఆశ్రయించి ఫిర్యాదు చేశారు. తాజాగా పోలీసులు ఆమెను అరెస్ట్ చేసి స్టేషన్కి తీసుకెళ్లారు..