భారత్ ఆస్ట్రేలియాలో బోణి కోటింది. ఆస్ట్రేలియాతో నాలుగు టెస్టుల సిరీస్‌ మొదటి టెస్టులో భారత్  ఆస్ట్రేలియాపై 31 పరుగులు తేడాతో గెలిచింది.  104 పరుగులకు 4 వికెట్లు  ఓవర్నైట్ స్కోరుతో బరిలో దిగిన ఆస్ట్రేలియా 291 పరుగులకు అల్ అవుట్ అయింది. బౌలర్లలో బుమ్రా, అశ్విన్‌, షమి తలో మూడు వికెట్లు తీయగా.. ఇషాంత్‌ ఒక వికెట్‌ తీశాడు. నాలుగు టెస్టుల సిరీస్‌ భారత్‌ 1-0తో ఆధిక్యంలో నిలిచింది. దాదాపు 11 ఏళ్ల తర్వాత కంగరూ గడ్డపై భారత్‌ తొలిసారిగా టెస్టు విజయాన్ని నమోదు చేసింది. చివరిసారిగా 2008లో పెర్త్‌లో ఆసీస్‌పై విజయం సాధించింది. ఆసీస్‌ పర్యటనలో సిరీస్‌లో తొలి టెస్టు గెలవడం భారత్‌కు ఇదే తొలిసారి కావడం గమనార్హం.