తెలుగు .. తమిళ భాషల్లో మాధవన్ కి మంచి ఫాలోయింగ్ వుంది. ఇటీవల వచ్చిన 'సవ్యసాచి' సినిమాలో ప్రతినాయకుడిగా ఆయన నటించారు. ఈ సినిమాకి సక్సెస్ లభించకపోవడంతో, ఆయన పాత్రకి రావలసినంత గుర్తింపు రాలేదు.  మరోసారి తెలుగులో తన అదృష్టం పర్కిషించుకోబోతున్నాడు. రవితేజ - వీ ఐ ఆనంద్ దర్శకత్వంలో ఒక చిత్రం చేస్తున్న సంగతి తెలిసిందే.. ఈ చిత్రం లో విలన్ పాత్ర కోసం మాధవన్ ను సంప్రదించగా, ఆయన గ్రీన్ సిగ్నల్ ఇచ్చినట్టుగా సమాచారం. రామ్ తాళ్లూరి నిర్మాతగా వ్యవహరిస్తోన్న ఈ సైన్స్ ఫిక్షన్ థ్రిల్లర్ వచ్చేనెలలో సెట్స్ పైకి వెళ్లనున్నట్టు తెలుస్తోంది.