మిజోరం అసెంబ్లీ ఎన్నికల్లో ముఖ్యమంత్రి, కాంగ్రెస్ నేత లాల్ తన్హావ్లా ఓటమి చవిచూశారు. చాంపై సౌత్, సెర్చిఫ్ నియోజకవర్గాల నుంచిపోటీ చేసిన లాల్ తన్హావ్లా రెండు చోట్లా ఓడిపోయారు. కాగా మిజోరం ఎన్నికల ఫలితాల్లో అధికార కాంగ్రెస్ వెనుకంజలో కొనసాగుతోంది. ఈ ఫలితాలను చూస్తుంటే మిజోరం కూడా కాంగ్రెస్ చేతిలో నుంచి జారిపోనుందని తెలుస్తోంది. మిజో నేషనల్ ఫ్రంట్ విజయం దిశగా దూసుకువెళుతోంది. 40 నియోజకవర్గాలున్న మిజోరంలో 21 స్థానాల్లో గెలుపొందితే ప్రభుత్వం ఏర్పాటు చేసేందుకు అవకాశముంటుంది.